Actualidad

Baixo o título de 'San Felipe', a longametraxe producida por Atresmedia estará inspirada na historia desta muller detida, sometida a un simulacro do Consello de Guerra e condenada á morte, estando embarazada. Todo por defender ao goberno da República tras o golpe de estado de 1936. Foi  fusilada no Castelo de San Felipe en 1938, despois do nacemento do seu fillo.

O director e guionista da cinta será Jorge Núñez, que este martes mantivo unha reunión co alcalde da cidade, Jorge Suárez. "Queremos que o cinema conte a historia desta heroína galega. Viñemos a pedir unha pequena colaboración ao Concello e tamén os permisos de rodaxe", explicou Núñez.

A cinta contará con actores coñecidos como Juan Diego, Asunción Balaguer, Willy Toledo ou Enrique Escudero. De feito, o director acudiu ao concello acompañado de Toledo, recoñecido antifranquista e militante de esquerdas.

O pasado 27 de xaneiro, día do aniversario do fusilamento, varios membros da corporación municipal realizaron xa na fortaleza unha ofenda floral para lembrala e tamén alí Jorge Suárez avogou pola necesidade de que "as novas xeracións coñezan estes feitos".

O director Jorge Núñez e varios actores co alcalde de Ferrol, Jorge Suárez, falan sobre 'San Felipe', o filme sobre a vida de Amada García | Fonte: ferrol.es